luns, marzo 18, 2013

O Parlamento de Galicia e as obras de Urbano Lugrís


Con esto de intentar que non se perdan os murais do noso señor Lugrís estiven a buscar o que fixeran os nosos mandatarios ao respecto e atopei o seguinte:

O 08.06.2009 o grupo parlamentar socialista levou ao Parlamento unha proposición para instar á Xunta de Galicia a:

  • catalogar as obras de Urbano Lugrís González
  • levar a cabo un ditamen do estado das obras do Café Vecchio, do antigo restaurante Fornos e da Casa do Mar de Malpica
  • proceder a limpeza e restauración desas obras


O Boletín do Parlamento de Galicia (BOPG) de 02.11.2009 aprobou a proposición co algunha modificación:

1. Elaborar un inventario das pinturas de Urbano Lugrís González, facendo especial fincapé na obra dispersa en edificios públicos ou privados.

2. Levar a cabo un ditame do estado da obra de Lugrís no Café Vechio e no antigo restaurante Fornos, da Coruña, na Casa do Mar de Malpica e na Escola da Igrexa de Vilaboa.

3. Proceder á limpeza e á restauración que precisan estas obras.

(Ver páx. 8 do documento, 27230 do boletín)

(Desgrazadamente o listado do punto 2. non está completo: faltan polo menos o mural do restaurante Nova Galicia en Santiago de Compostela e os do Museo Massó e outro, que so coñezo de oidas, dunha Farmacia en Pontevedra)

O pasado mes de decembro o grupo parlamentar do BNG preguntou ao Goberbo sobre as actuacións concretas sobre o mural do Café Vecchio (Rúa real, 74 da Coruña) e o Goberno ven de contestar, precisamente a semana pasada, o seguinte (BOPG de 07.03.2013)

(…) a dirección xeral de patrimonio está a elaborar un estudo organoléptico sobre a súa conservación (…) os resultados deseinforme deben servir para que os propietarios dese ben poidan adoptar a s medidas de consevación máis acaidas. Sempre coa colaboración da Dirección de Patrimonio Cultural (...)



En fin que a Xunta de Galicia está moi preocupada polo patrimonio pero fai responsable da súa conservación aos titulares do mesmo.

A parte positiva é que semella que despois da iniciativa dos socialistas comezaron a traballar nas obras enumeradas (tamén na do restaurante Fornos?) polo que certo recoñecemento como Patrimonio Cultural sí que teñen.

Medre o mar!


venres, marzo 15, 2013

Ulises Fingal, outro tango sur-marino.


Xosé Falperra, máis coñecido polo seu alcume tanguista: José Biobardi, foi un dos camaradas das esmorgas coruñesas de Antón Avilés de Taramancos e Urbano Lugrís.

Adicou varios tangos, poemas e cancións ao xigante pintor coruñés. No 1973 tras a morte de Urbano escribiu un tango sur-marino* (Ulises Fingal, un dos pseudónimos do pintor) en memoria do seu amigo.





A Urbano Lugrís, náufrago de singraduras abondas

Voltando a Ítaca
ben cedo
o xa moi tarde
despois de coa barra disfrutar
o vello Fingall
non atopa abrigo
nin praia na que descansar.

Non hai sereas
que canten para él.
Nin carta que lle indique
o seu destino
O vello Fingall non atopa abrigo,
navega á deriva polo mar.

Voltando a Éire
ben tarde
o xa moi cedo
despois dunha garufa sen igual
o bravo Ulises
non atopa abrigo
nin porto no que amarrar

Non hai sereas
que chamen por él.
Nin faro que ilumine
a súa derrota
E a nao do mariñeiro coruñés
non pode máis que naufragar.



* O de “sur-marino” é un xogo de palabras, unha quimera, entre “surrealismo” e “submarino”, que o tanguero acuñou para definir a obra de Urbano Lugrís.

xoves, marzo 14, 2013

S.O.S LUGRÍS


Mayday, mayday, mayday !
Pan-pan, pan-pan, pan-pan!,
Securité, securité, securité!

(O'Rivas)
Aviso aos terrícolas:
Somos fillos do mar, vivimos no medio e medio do Océano.
Non podemos perder ao pintor sur-marino: da súa ancora penden os nosos soños.


Alarma. Aviso de auxilio.
Na rúa dos Olmos
os picos traballan as voces
para acadar o silencio
(tamén as lanternas lograron
sementar oscuridade)

Alarma. Aviso de auxilio.
Na rúa dos Olmos
queren matar ao mar,
facernos esquecer
ao Ulises Fingall,
-irmán de Jules Verne-
agochando en formigón
as súas pegadas.

S.O.S Lugrís,
Lugrís S.O.S

Novos trebóns ameazan:
non queren o ronsel
das túas alancadas
Para que conservar a liberdade dun paso
que non quiso seguir o ritmo de ninguén,
(agás o do seu propio corazón)?

Alarma. Aviso de auxilio.
S.O.S Lugrís
Lugrís S.O.S.






Os murais de Urbano Lugrís no baixo do número 27 da rúa Olmos en perigo.

In nave civitas alerta do perigo da perda dos murais de Urbano Lugrís.
Esta semana comezaron unhas obras no baixo do antigo restaurante Fornos (logo, creperia La Bottega) na rúa Olmos, 27. Este é un dos poucos locais da zona de viños coruñesa que conserva -ou conservaba cando a crepería estaba aberta ao público- muráis do pintor coruñés Urbano Lugrís.

Dende o colectivo In nave civitas queremos facer unha chamada para que esa reforma sirva para que todas podamos voltar a desfrutar dos muraís sur-marinos.

Agardamos non ter que chorar a perda doutro mural irrepetible do noso señor Lugrís.

Medre o mar!
 
O estado da obra o martes 12.03.2013:


O estado da obra o mércores 13.03.2013: onde estaba o escaparate hai dous ocos: unha porta e una fiestra.
 





(As fotografías son miñas e  as tomei cun teléfono móbil, só serven para facerse unha idea)
 Os amigos do Diario Cultural da Radio Galega acolleron o noso comunicado hoxe. Se quere pode escoitalo pulsando no enlance (comeza no minuto 16:49, aprox.)
 
Qué hai -ou había- no baixo da rúa Olmos, 27? 
Un mural dos que o Noso Señor Lugrís facía nas tabernas para gañar uns duros, como o que hoxe está no Veccio -rúa Real da Coruña- ou os da Mundiña -na rúa da Estrela
Algúns recunchos do mural do antigo restaurante Fornos:
 
Antón Patiñó e Xurxo Souto brinda por Urbano Lugrís (Foto G. Tizó para El País)  
 E do ...mmmm..., ciberbitácora de Estíbaliz Espinosa as seguintes fotos: