Culpable ou penalmente responsable

 

Persoa que cando é investigada pola súa intervención en feitos que poden ser constitutivos de delito os medios de formación de masas dín que é culpable ou penalmente responsable. Nalgúns estados de dereito cabe a revisión da condena ante as autoridades xudiciais. Nos estados democráticos máis desenvolvidos todo remata en linchamento.

 

Peñón

Peñón (sust).-

1. Peñazo

2. Cálculo en las gónadas soberanas

Filántropo/a

Filántropo/a (adx).- persoa que dedica unha pequena parte dos cartos acadados grazas a explotación e escravitude de outras para axudar un pouquiño a unhas terceiras.







(Acepción tirada da prensa peninsular en agosto de 2013)

O Parlamento de Galicia e as obras de Urbano Lugrís

Con esto de intentar que non se perdan os murais do noso señor Lugrís estiven a buscar o que fixeran os nosos mandatarios ao respecto e atopei o seguinte:

O 08.06.2009 o grupo parlamentar socialista levou ao Parlamento unha proposición para instar á Xunta de Galicia a:

• catalogar as obras de Urbano Lugrís González
• levar a cabo un ditamen do estado das obras do Café Vecchio, do antigo restaurante Fornos e da Casa do Mar de Malpica
• proceder a limpeza e restauración desas obras

Aquí o texto completo

O Boletín do Parlamento de Galicia (BOPG) de 02.11.2009 aprobou a proposición co algunha modificación:

1. Elaborar un inventario das pinturas de Urbano Lugrís González, facendo especial fincapé na obra dispersa en edificios públicos ou privados.

2. Levar a cabo un ditame do estado da obra de Lugrís no Café Vechio e no antigo restaurante Fornos, da Coruña, na Casa do Mar de Malpica e na Escola da Igrexa de Vilaboa.

3. Proceder á limpeza e á restauración que precisan estas obras.

Aquí o texto completo

(Ver páx. 8 do documento, 27230 do boletín)

(Desgrazadamente o listado do punto 2. non está completo: faltan polo menos o mural do restaurante Nova Galicia en Santiago de Compostela e os do Museo Massó e outro, que so coñezo de oidas, dunha Farmacia en Pontevedra)

O pasado mes de decembro o grupo parlamentar do BNG preguntou ao Goberbo sobre as actuacións concretas sobre o mural do Café Vecchio (Rúa real, 74 da Coruña) e o Goberno ven de contestar, precisamente a semana pasada, o seguinte (BOPG de 07.03.2013)

(…) a dirección xeral de patrimonio está a elaborar un estudo organoléptico sobre a súa conservación (…) os resultados deseinforme deben servir para que os propietarios dese ben poidan adoptar a s medidas de consevación máis acaidas. Sempre coa colaboración da Dirección de Patrimonio Cultural (...)

Aquí o texto completo

En fin que a Xunta de Galicia está moi preocupada polo patrimonio pero fai responsable da súa conservación aos titulares do mesmo.

A parte positiva é que semella que despois da iniciativa dos socialistas comezaron a traballar nas obras enumeradas (tamén na do restaurante Fornos?) polo que certo recoñecemento como Patrimonio Cultural sí que teñen.

Medre o mar!